சந்த்ர மணி மன மினிக்கும் பதம்!
...சாரதா தேவி சார்ந்த பதம்!
மந்த்ர வாக்கிய மளிக்கும் பதம்!
...மருவிலான் ராமகிருஷ்ண பதம்!....16

லாட்டு விற்கும் அருளூட்டும் பதம்!
...லட்சம் நூறு பிழை பொறுக்கும் பதம்!
வாட்டு பல துன்பம் ஏற்ற பதம்!
...வள்ளலாம் ராம கிருஷ்ண பதம்!....17

விவேகா னந்தன் விரும்பும் பதம்!
...பஞ்ச வடியில் வளர்கஞ்ச பதம்!
நிவேதன மேற்கும் நிமல பதம்!
...நித்தியன் ராம கிருஷ்ண பதம்!....14

பட்ட உடனே பரங் காட்டும் பதம்!
...பாப நாசன பவித்ர பதம்!
தொட்ட வுடனே துயரோட்டும் பதம்!
...தூயனாம் ராமகிருஷ்ண பதம்!....15

பாடிப் பரவசமாய் ஆடும் பதம் !
...பயிலும் கீதமதில் லயிக்கும் பதம்!
நாடித் துதிப்ப வர்க்கு நல்கும் பதம்!
...நரதேவன் ராமகிருஷ்ண பதம்!.... 12

பன்னீ ராண்டு தவம் பலசெய் பதம்!
...பஞ்ச வடியில் வளர் கஞ்ச பதம்!
எண்ணிலாத் துயர முற்ற பதம்!
...எம்பிரான் ராமகிருஷ்ண பதம்!....13

அத்து விதத்தில் அமிழ்ந்த பதம்!
...அனுபவ அறிவினில் அமைந்த பதம்!
சத்திய நித்திய சுத்த பதம்!
....சத்துவன் ராமகிருஷ்ண பதம்!....10

பவதா ரிணிமகிழ் பதும பதம்!
...பைரவி துதிமிக செய்த பதம்!
சிவ மாகிய பவநாச பதம்!
...சித்தனாம் ராம கிருஷ்ண பதம்!....11

காம காஞ்சனம் கடிந்தபதம்!
...கல்லில் காளியினைக் கண்டபதம்!
சாம மாதி மறை சாற்றும் பதம்!
...சற்குரு ராமகிருஷ்ண பதம்!....8.

அபிராமி பதம் அணைந்த பதம்!
...அரிஹர .னாதியை அறியும் பதம்!
நபிஏ சுவையும் நாடும் பதம்!
...நற்றவன் ராமகிருஷ்ண பதம்!....9.

துன்ப மெலாம் தொலைத் தோட்டும் பதம்!
...துட்டருக்கும் துணை செய்யும் பதம்!
இன்ப மெலாம் இசைந்தளிக்கும் பதம்!
...இறைவனாம் ராம கிருஷ்ண பதம்!....6.

தட்சி நேஸ்வரத்தில் தழைத்த பதம்!
...தருமப் பயிரை வளர்த் திட்ட பதம்!
இச்சை யென்னும் இடரொழிக்கும் பதம்!
...ஈசனாம் ராம கிருஷ்ண பதம்!....7.

தீர நரேன் தொழு தேத்தும் பதம்!
...திருவருள் தருமிரு அருமை பதம்!
பார வினையை பஞ்சாக்கும் பதம்!
...பற்றிலான் ராம கிருஷ்ண பதம்!....4.

ராக்கால் சந்திரன் ரமிக்கும் பதம்!
...ரவியென ஒளிதரு பரம பதம்!
வாக்கால் சொல்ல வொணாத பதம்!
...வரதனாம் ராம கிருஷ்ண பதம்!....5.